Mercado de troco e segunda man

Os mercadillos de troco e segunda man convertéronse nunha tendencia cada vez máis popular, e non é de estrañar, estes espazos ofrecen unha multitude de beneficios tanto para o medio ambiente como para a sociedade:

• Contribúen a reducir a xeración de residuos, promoven a reutilización e diminúen a demanda de novos produtos, o que á súa vez reduce o impacto ambiental.
• Fomentan a interacción entre persoas e crean comunidade.
• Estimulan a imaxinación e a creatividade ao atopar novas formas de utilizar obxectos que xa non usamos.
• Permiten atopar produtos a prezos máis accesibles, fomentan o aforro e xeran ingresos adicionais para os vendedores.

Con isto en mente, Comparte en colaboración co Concello de Santiago de Compostela atoparon no edificio recentemente rehabilitado da Fábrica da Luz o lugar perfecto para que os veciños do concello puidesen reservar un espazo e ter a oportunidade de vender ou trocar obxectos aos que xa non lle desen uso. Naceu o Mercado da Luz.

Funcionamento do Mercado da Luz

• O Concello cede un lugar para a realización do mercado o último sabado de cada mes.
• Os veciños interesados poden solicitar a través dun formulario web un dos 22 espazos habilitados.
• A cesión do espazo pode ser durante todo o día ou ben en quenda de mañá ou de tarde.
• As prazas son limitadas e en función das solicitudes a organización avisará aos veciños que obteñan a praza.
• acceso ao recinto é gratuíto tanto para os vendedores como para os compradores.

O noso traballo

Comparte encárgase da organización do Mercado, que inclúe:

• Deseño, produción, montaxe e desmonte do mobiliario e decoración.
• Deseño e produción de Merchandising, roupa, etc.
• Comunicación e publicidade do evento.
• Xestión das inscricións e comunicación cos veciños.
• Coordinación dos promotores.